Tuesday, September 28, 2010

အရာရာတိုင်းဆီသို့ (၁)


ဖုန်းရွှေပညာရပ်ရဲ့ နက်နဲ အသေးစိတ်တဲ့ သဘောတရားတွေကို မလေ့လာခင်မှာ မသိမဖြစ် သိသင့်တဲ့ ဖုန်းရွှေရဲ့ အခြေခံ သဘောတရား ၃ ရပ် (3 Basic Principles) ကို လေ့လာကြပါမယ်။ အနောက်တိုင်းက သိပ္ပံပညာရှင်တွေက ကိစ္စရပ်တွေ အားလုံးကို ဖြေရှင်းနိုင်တဲ့ တစ်ခုတည်းသော ဖော်မြူလာ ဖြစ်တဲ့ “အရာရာတိုင်းရဲ့ သီအိုရီ၊ Theory of Everything” ဆိုတာကို ခုချိန်ထိ ရှာဖွေနေကြဆဲပါ။ ဒီအချိန်မှာပဲ လွန်ခဲ့တဲ့ နှစ်ပေါင်း ၃၀၀၀ ကျော်လောက်က မွေးဖွားလာခဲ့တဲ့ ဖုန်းရွှေပညာက အရာရာတိုင်းနဲ့ ပတ်သက်တဲ့ သဘောတရား ၃ ရပ်ကို ချမှတ်ထားရုံမျှမက လက်တွေ့နယ်ပယ်အထိ အသုံးချနေတာကို တွေ့ရပါလိမ့်မယ်။ ဒီသဘောတရား သုံးရပ်ကတော့...

  • အရာရာတိုင်းဟာ သက်ဝင်လှုပ်ရှားနေတယ် - Everything is alive
  • အရာရာတိုင်းဟာ ချိတ်ဆက်နေကြတယ် - Everything is connected
  • အရာရာတိုင်းဟာ စဉ်ဆက်မပြတ် ပြောင်းလဲနေတယ် - Everything is constantly changing

Sunday, September 26, 2010

လျှပ်တစ်ပြက် ဖုန်းရွှေ


အင်မတန်မှ ရှုပ်ထွေးလှတယ် ဆိုတဲ့ ဖုန်းရွှေပညာကို လျှပ်တစ်ပြက် လေ့လာရအောင်။ ဖုန်းရွှေပညာမှာ အဓိကကျတဲ့ ချိ (氣 - qi) ဓာတ်ကို တိုးမြှင့်စေတဲ့ နည်းစနစ်လေးတွေပါ။ နေ့စဉ်တွေ့မြင်နေကျ သာမန် အသုံးအဆောင် ပစ္စည်းလေးတွေနဲ့ သင့်ရဲ့ အိမ်ထဲကို ကောင်းမွန်တဲ့ ချိဓာတ်တွေ ရောက်လာစေနိုင်ပါတယ်။

=====================================

Friday, September 24, 2010

ဖုန်းရွှေဆိုတာ...


သာယာလှပပြီး သက်တောင့်သက်သာနဲ့ နေချင်စဖွယ်ရှိတဲ့ သက်ရှိပတ်ဝန်းကျင်မျိုးကို လူတိုင်းနီးပါး လိုချင်ကြတာ အမှန်ပါ။ ဒါကြောင့်လည်း ယနေ့ ကမ္ဘာမှာ အိမ်အတွင်းခန်း အလှပြင်ဆင်တဲ့ (Interior Design) ကုမ္ပဏီတွေ အလုပ်ဖြစ်နေကြတာပါ။

တရုတ်လူမျိုးတွေရဲ့ ဖုန်းရွှေပညာဟာ လွန်ခဲ့တဲ့ နှစ်ပေါင်း ၃၀၀၀ ကျော်လောက်က စတင်ပေါက်ဖွား ခဲ့တာကြောင့် အိုဟောင်းနေတဲ့ ပညာရပ်တစ်ခုလို့ ဆိုကောင်း ဆိုနိုင်ပါမယ်။ ဒါပေမယ့် ဖုန်းရွှေပညာက ယနေ့ ကမ္ဘာက တောင့်တနေတဲ့ ရုပ်ဝတ္ထုကြွယ်ဝချမ်းသာမှုတွေကို ဆောင်ကြဉ်း ပေးနိုင် ယုံမျှမကဘဲ စိတ်နဲ့ ရုပ်ပိုင်းဆိုင်ရာ ကျန်းမာရေး၊ ပေါင်းသင်းဆက်ဆံရေးတွေ၊ အောင်မြင်မှုတွေကိုပါ ထပ်လောင်း ဆောင်ယူ လာနိုင်တယ်လို့ ဆိုလေတော့ အံ့သြမိတာ အမှန်ပါပဲ။

Wednesday, September 22, 2010

ဖုန်းရွှေ မိတ်ဆက်


Feng Shui: The Art of Living in Harmony

မြန်မာလို “ဖုန်းရွှေ” လို့ ခေါ်နေကြတဲ့ တရုတ်ရိုးရာ ပညာ Feng Shui (風水) ရဲ့ အသံထွက် အမှန်ကတော့ “ဖုန်းဆွေ” လို့ ထွက်ပါတယ်။ ဖုန်း (風) ဆိုတဲ့ တရုတ်ဝေါဟာရက “လေ” ကို ဆိုလိုတာ ဖြစ်ပြီး ဆွေ (水) ဆိုတာက “ရေ” ကို ဆိုလိုတာ ဖြစ်ပါတယ်။ ဒါကြောင့် အကြမ်းအားဖြင့် ဆိုရရင်ဖြင့် ဖုန်းရွှေပညာရပ်ဟာ လေနဲ့ ရေကို အခြေခံထားတဲ့ သဘာဝကျတဲ့ ပညာရပ်တစ်ခုလို့ ဆိုရပါမယ်။

လွန်ခဲ့တဲ့ အနှစ် ၃၀၀၀ ကျော်လောက်က စတင်ပေါက်ဖွားလာခဲ့တဲ့ ဖုန်းရွှေပညာရပ်ကို နေအိမ်ဂေဟာတွေ သင်္ချိုင်းအုတ်ဂူ စတာတွေ အတွက် အရပ်မျက်နှာ ရွေးခြယ်တည်ဆောက်တဲ့ နေရာမှာ အဓိက အသုံးချပါတယ်။ အရပ်ဒေသ တစ်ခုမှာ အိမ်တစ်အိမ်၊ အဆောက်အဦ တစ်ခုကို စတင်ပြီး ပန္နက်စသည် မချခင်မှာ မြင့်မြတ်တဲ့ဓာတ်တွေ တည်ရှိတဲ့ နေရာကို ရှာဖွေရတာဟာ ဖုန်းရွှေပညာရဲ့ အဓိကလုပ်ဆောင်ချက်ပါပဲ။


Saturday, September 18, 2010

မင်္ဂလာပါ

လာလည်သူ အားလုံးကို နွေးထွေးစွာ ကြိုဆိုပါသည်။ ဒီနေရာလေးမှာ တရားအားထုတ်၊ တရုတ်အားထား လုပ်ကြရအောင်ပါ။ ဖုန်းရွှေပညာရပ်နဲ့ ပတ်သက်တာတွေကို အဓိကထားရေးသားသွားမှာ ဖြစ်ပြီး၊ အလျဉ်းသင့်သလို တရုတ်ဗေဒင်၊ ယိကျင်း အစရှိတာတွေကိုပါ ရေးသားတင်ဆက်သွားမှာ ဖြစ်ပါတယ်။

ပွင့်လင်းသော အမြင်၊ ကျိုးကြောင်း ဆီလျော်သော ယုံကြည်မှုတို့ဖြင့် စစ်မှန်သော ပညာအလှတရားကို သင်္ခါရများ နောက်ဝယ် သင်ငါ ရသမျှ ထားခဲ့ကြပါဦးစို့...။

ကြွယ်ဝမျှတသော သဘာဝတရားဆီသို့
အုပ်စိုး